IMamelod.Sundowns ibuyele esicongweni selog. yeBetway Premiership ishaya iPolokwane City ngo 1-0 eSeshogo Stadium ePolokwane ngolwesithathu ebusuku.
Igoli eliqinisekise ukuthi Isundowns ibuye nawo womathathu amaphuzu ePolokwane livalelwe phakathi uMarcelo Allende ngesiwombe sesibili.
Ukunqoba kweSundowns kusho ukubuyela emgqigqweni wayo wokunqoba njengoba ibisilahle amaphuzu emdlalweni emibili yakamuva ibambana neStellenbosch fc ngo1-1 neRichardsbay fc ngo 0-0 ngokwehlukana .
Amasandawana aqhwakele kwi-log yePremiership ngamaphuzu awu-61 alandelwa yi-Orlando Pirates endaweni ngawu-59
Azophinda adlale nePolokwane ngesonto kowomzulwisano wesibili eLoftus Stadium ePitoli .
Njengoba amaSandawana neziMnyama sebelingana ngemidlalo engu-26 kusho ukuthi lemidlalo emine esalele lamaqembu iyona esiyocacisa ngelizokhala lemuke nesicoco yize amaSandawana esevule igebe lamaphuzu amabili
